குமாரபாளையம்97 Videos

அரசு பஸ் மோதி முதியவர் பலி

குமாரபாளையம் முதலியார் வீதியை சேர்ந்தவர் குஞ்சான்(63) இவர் நேற்று முன்தினம் செவ்வாய்கிழமை மாலை குமாரபாளையம் கோட்டைமேடு பைபாஸ் ரோட்டை கடந்து சென்றார். அப்போது கோவையிலிருந்து சேலத்துக்கு சென்ற அரசு பேருந்து மோதியது. இதில் படுகாயமடைந்த குஞ்சான் சம்பவ இடத்திலேயே பரிதாபமாக இறந்து போனார். இந்த விபத்து குறித்து குமாரபாளையம் இன்ஸ்பெக்டர் சாந்தமூர்த்தி வழக்கு பதிவு செய்து விசாரித்து வருகிறார்.

அரசு வேலை வாங்கி தருவதாக கூறி லட்சக் கணக்கில் மோசடி – பெண் உள்பட 3 பேர் கைது

குமாரபாளையம் பகுதியில் அரசு வேலை வாங்கி தருவதாக கூறி ரூ.11 லட்சம் மோசடி செய்த வழக்கில் பெண் உள்பட 3 பேரை நாமக்கல் மாவட்ட குற்றப்பிரிவு போலீசார் கைது செய்து விசாரித்து வருகின்றனர். நாமக்கல் மாவட்டம் குமார பாளையத்தை சேர்ந்தவர் சீனி வாசன் என்கிற சீனுபெர்லின் (வயது 43). இவரது மனைவி மேரி வஜிலா(36). இவர்களும் வேலூர் மாவட்டம் ஊத் தங்கரை அருகே உள்ள சேவாத்தூர் புதூரை சேர்ந்த ஸ்டீபன் ரோஸ்(32) என் பவரும் கூட்டாக சேர்ந்து, அரசாங்கத்தில் [...]

ஆர்ப்பரித்துச் செல்லும் காவிரி

மேட்டூர் அணையில் இருந்து 1 லட்சம் கன அடி தண்ணீர் வெளியேற்றப்படுவதால் காவிரியில் வெள்ளம் கரைபுரண்டு ஓடுகிறது. இதனால் 9 மாவட்ட கரை ஓர பகுதி மக்களுக்கு வெள்ள எச்சரிக்கை விடப்பட்டுள்ளது.

உழவன் செயலி மூலம் வேளாண் துறை தகவல்கள் நேரடியாக பெறலாம் – வேளாண்மை இணை இயக்குநர் தகவல்

     நாமக்கல் மாவட்டம், பள்ளிபாளையம் வட்டாரம் காடச்சநல்லூர் எஸ்.பி.கே பள்ளி கூட்டரங்கில் வேளாண்மைத்துறை–

ஓய்வு பெற்ற பேராசிரியர் வீட்டில் 28 சவரன் நகை கொள்ளை.

நாமக்கல் மாவட்டம் குமாரபாளையம் அடுத்த எதிர்மேடு ஆசிரியர் குடியிருப்பு பகுதியில் வசிக்கும் ஓய்வு பெற்ற தனியார் கல்லூரி விரிவுரையாளர் சுப்பிரமணி என்பவர் வீட்டில் சுமார் 28 பவுன் தங்கநகைகளும் விலைஉயர்ந்த வைரம்பதித்த நெக்லசும் கொள்ளை குமாரபாளையம் போலிசார் தடையங்களை சேகரித்து விசாரணை.

கள்ளத்தனமாக மது விற்பனை 4 பேர் கைது

நாமக்கல் மாவட்டம் குமாரபாளையம் அடுத்த எம்.ஜி.ஆர்.நகர் , பள்ளிபாளையம் சாலை உள்ளிட்ட பகுதிகளில் கள்ளதனமாக மதுபானம் விற்பனை செய்யப்படுவதாக வந்த புகாரை அடுத்து எஸ்பி அருளரசு உத்தரவின் பேரில் திருச்செங்கோடு மது விலக்கு போலீசார் சோதனை மேற்கொண்டனர். கள்ளத்தனமாக மது விற்ற 4 பேர் கைது செய்யப்பட்டனர். அவர்களிடம் இருந்து 700 மதுபான பாட்டில்கள் பறிமுதல் செய்யப்பட்டது. 

காவிரி கரை ஓர மக்களுக்கு வெள்ள எச்சரிக்கை.

நாமக்கல் மாவட்டம், பள்ளிபாளையம், கொக்கராயன்பேட்டை,இறையமங்கலம், மொளசி, சோழசிராமணி , பரமத்தி வேலூர் பகுதிகளில் காவிரி கரையோரம்  வசிக்கும் பொதுமக்களுக்கு மாவட்ட நிர்வாகத்தின் சார்பில் வெள்ள அபாய எச்சரிக்கை விடுக்கப்பட்டுள்ளது. வரும் 19 தேதி மேட்டூர் அணை திறக்கப்படுவதால் தண்டோரா மூலம் பொதுமக்களுக்கு எச்சரிக்கை விடுக்கப்பட்டதுடன் பாதுகாப்பான இடஙகளுக்கு பொதுமக்கள் செல்லவும் அறிவுறுத்தப்பட்டுள்ளது

காவிரி கரையோர மக்களுக்கு எச்சரிக்கை.

மேட்டூர் அணையிலிருந்து திறந்து விடப்படும் நீரின் அளவை 20 ஆயிரம் கனடியிலிருந்து 30 ஆயிரம் கன அடியாக உயர்த்தப்பட்டதையடுத்து நாமக்கல் மாவட்டம் குமாரபாளையம் – பள்ளிபாளையம் காவிரி கரையோர மக்களுக்கு வெள்ள அபாய எச்சரிக்கை விடப்பட்டுள்ளது. இதனையடுத்து குமாரபாளையம் வட்டாட்சியர் ரகுநாதன் தலைமையில் தண்டோரா மூலமும், ஒலிபெருக்கி மூலம் பொதுமக்களுக்கு எச்சரிக்கை விடப்பட்டது. மேலும் கரையோரம் வசிக்கும் பொதுமக்கள் பாதுகாப்பான இடஙகளுக்கு செல்லவும் அறிவுறுத்தப்பட்டது
error: Content is protected !!